Bilang suporta sa kagustuhan ng Pangulong Rodrigo Duterte, magsasagawa ang Department of the Interior and Local Government o DILG Region 02 ng Federalism Roadshow kabalikat ang Pamahalaang Panlalawigan ng Isabela sa F.L Dy Coliseum nitong darating naSetyembre 26-27 ng kasalukuyang taon.

Layunin ng aktibidad na mahikayat, mapataas at mapalawak ang kaalaman ng mga mamamayan patungkol sa mga hindi magandang dulot ng isang unitary system at maimulat ang mga Pilipino sa magandang maibibigay ng pederalismo sa bansa.

Ang ambisyon ng Pangulo para sa bansa na magkaroon ng isang sistema na makapagbibigay ng pang-matagalang kapayapaan, kaunlaran at kasaganahan para sa bawat mamamayang Pilipino ang nagtulak sa kasalukuyang administrasyon para ipakilala ang pederalismo.

Naniniwala ang Pangulo na makakamit ng Pilipinas ang minimithing pagbabago na naaayon sa ating pagkakakilanlan, pananaw, at mithiin bilang isang malayang bansa.

Ayon kay Regional Director Jonathan Paul M. Leusen Jr., mahalagang maipabatid sa mga mamamayan ang maaring oportunidad na maibibigay ng pederalismo lalo na’t nais na ibahagi ng kasalukuyang administrasyon ang kapangyarihan nito sa mga lalawigan at kanayunan.

Aniya, mas magiging malaya pa ang bansa sa pamamagitan ng bagong sistema ng gobyerno.

Samantala, isang media forum ang magaganap sa unang araw ng roadshow. Tatlong consultative committee commissioners ang magsisilbing panelists kasama ang mga media na siyang huhusga sa nasulat na bagong konstitusyon.

Magkakaroon rin ng isang pagpupulong sa ikalawang araw ng aktibidad upang pag-usapan ang mga naitalang problema or suhestiyon mula sa publiko.

Maliban dito, isang political rally ang magaganap kasama ang iba’t ibang stakeholders, mga lokal na pamahalaan, sectoral groups at mga supporters ng pederalismo.

Aasahang nasa limang libo o higit pang katao ang dadalo sa naturang roadshow kasama ang dating Chief Justice na si Reynaldo Puno, dating Senator Nene Pimentel at Father Ranhilio Aquino.# (Isinulat ni KC D. Sucuano – DILG Region 02/RPMO)

 

RDsCorner


ARDsCorner







760841
TodayToday1133
YesterdayYesterday1028
This_WeekThis_Week4481
This_MonthThis_Month17368
All_DaysAll_Days760841
US
Guests 29
Registered Users 3